Sgyrsiau a Rhwydweithio: 2yp – 6yp (drysau 1.30yp)

Dangosiad Perfformiad ‘Making of the Wild Sky’: 6yp – 8yp

Mae croeso i chi fynychu’r digwyddiad cyfan (2yp–8yp), neu os na allwch aros drwy’r dydd, gallwch ddewis mynychu’r digwyddiad yn ystod y dydd yn unig (1yp–6yp) neu’r digwyddiad gyda’r nos yn unig (6yp–8yp).

Sgyrsiau a Rhwydweithio

Ar gyfer pwy: artistiaid unigol, pobl greadigol, cynhyrchwyr a gweithwyr diwylliannol

Dewch i ymuno â Dirty Protest a Tŷ Pawb, ynghyd â chynhyrchwyr artistig sefydledig ac sy’n dod i’r amlwg sy’n gweithio ledled Cymru ac yn rhyngwladol, am ddiwrnod o drafod cydweithio artistig, cyfleoedd ariannu a gweithio mewn partneriaeth rhwng Cymru a gweddill y byd.

Dysgwch gan artistiaid a rhaglenwyr sy’n gweithio’n rhyngwladol am yr heriau a’r llawenydd sy’n rhan o greu gwaith rhwng Cymru a gwledydd eraill.

Mae’r sesiwn hon yn gwahodd cyfranogwyr i rannu eu syniadau ar:

Rhwydweithio gydag artistiaid lleol eraill, y diwydiannau creadigol, a gweithwyr diwylliannol

• Sut i gael cyllid
• Adeiladu rhwydweithiau
• Sut i gael comisiynau
• Seilwaith diwylliannol Wrecsam
• Yr hyn sydd ei angen arnoch i adeiladu gyrfa gynaliadwy a chreu cyfleoedd newydd yn Wrecsam a’r ardal gyfagos

Clywch am y cyfleoedd rhyngwladol i artistiaid yn Wrecsam a Chymru yn 2026 a thu hwnt, gan amrywiaeth o artistiaid a sefydliadau sy’n mynd â Chymru i’r byd.

Ymhlith y siaradwyr, aelodau’r panel ac ymarferwyr creadigol mae:

• David Warren, Pennaeth Cysylltiadau Rhyngwladol, Llywodraeth Cymru (Cymru)
• Jo Marsh, Cyfarwyddwr Creadigol, Tŷ Pawb (Cymru)
• Zélie Flach, Wales Arts International (Cymru)
• Henk Keizer, Cadeirydd, Rhwydwaith Arts in Rural European Area (AREA) (Denmarc)
• Immie Jonkman, Cyfarwyddwr Arcadia – rhaglen etifeddiaeth Leeuwarden fel Prifddinas Diwylliant Ewrop (Yr Iseldiroedd)
• Filipa Francisco, Coreograffydd a Sylfaenydd Mundo em Reboliço (Portiwgal)
• Thiago SKP, Rapiwr Ymwybodol (Brasil)
• Johnny Cotsen, Artist Perfformio ac Ymgynghorydd Hygyrchedd (Cymru)
• Michelle Pierez, Cyfarwyddwr Gweithredol, Theatre Iolo (Cymru)
• Catherine Paskell, Dirty Protest Theatre (Cymru)
• Natasha Borton, Ymarferydd Creadigol a derbynnydd gwobr NEMO (Cymru)
• Hannah Lad, Ymarferydd Creadigol (Cymru)

Bydd trafodaethau panel yn amlinellu sut y gallwch greu cysylltiadau â phartneriaid mewn gwledydd eraill, dod o hyd i gyllid i fynd â’ch gwaith dramor, a sut y gallwch ddod o hyd i farchnadoedd newydd i adeiladu gyrfa gynaliadwy. Bydd gweithgareddau creadigol a grwpiau gwaith yn rhannu syniadau ynghylch yr hyn y gall Wrecsam a Chymru ei gynnig i’r byd, a sut y gallwn ddefnyddio cyfleoedd fel Wrecsam2029 Dinas Diwylliant i gefnogi a chryfhau cydweithio yn y dyfodol.

Mae’r dirwedd teithio rhyngwladol wedi newid, yn enwedig oherwydd effeithiau Brexit a’r pandemig Covid-19 byd-eang, ond mae cyfleoedd newydd ar gyfer cydweithio wedi codi i Gymru arddangos ein gwaith artistig a diwylliannol unigryw i’r byd.

Caiff syniadau, sgyrsiau a mewnwelediadau eu cofnodi a’u rhannu, gan helpu i droi trafodaethau yn gamau gweithredu ar y cyd.

Ynglŷn â Dirty Protest Theatre

Yn rhan o Artist Gym Dirty Protest. Ers dros 10 mlynedd, mae Dirty Protest wedi cyflwyno prosiectau cydweithredol rhwng Cymru a gwledydd ar draws nifer o gyfandiroedd, gan gynnwys Iwerddon, Portiwgal, Denmarc, Ffrainc, Gwlad Pwyl, Brasil, Periw, UDA, Canada, Casachstan, Tajicistan, Awstralia, Japan a Phacistan; mae’r cwmni hefyd wedi mynd â’u gwaith theatr a grëwyd yng Nghymru ar daith ledled y byd.

Cofrestrwch eich diddordeb ac unrhyw anghenion mynediad ar ein tudalen Eventbrite: DOLEN neu anfonwch e-bost at info@dirtyprotesttheatre.co.uk

Wedi’i gefnogi gan Wales Arts International, Cyngor Celfyddydau Cymru, y Loteri Genedlaethol a Llywodraeth Cymru.