Mae Marchnad Grefftwyr Wrecsam (Wrexham Makers Market) yn dychwelyd i Tŷ Pawb, gan ddod â chrewyr annibynnol ynghyd ar gyfer un o ddigwyddiadau Nadoligaidd prysuraf y ddinas!

Bydd amrywiaeth eang o grefftwyr – sy’n gweithio gyda serameg, tecstilau, gwaith coed, nwyddau cartref, gemwaith, gwydr a phrintio, yn ogystal â chelf fforddiadwy – yn arddangos ac yn gwerthu eu nwyddau gwych.

Wedi’i leoli yn ardal farchnad fywiog a phrysur Tŷ Pawb, dyma’r lle perffaith i brynu anrhegion Nadolig unigryw a phersonol ar gyfer eich ffrindiau a’ch teulu i gyd!

• Bydd bwyd a diod Nadoligaidd ar gael yn ein hardal fwyd drwy gydol y dydd!
• Archwiliwch y farchnad i ddod o hyd i hyd yn oed mwy o syniadau anrhegion gwych gan fusnesau lleol!
• Cerddoriaeth Nadolig FYW gyda The Jazz Spot Trio
• Ewch i weld dros 100 o weithiau celf hardd yn yr oriel yn arddangosfa agored Tŷ Pawb – mae’r rhan fwyaf o’r gweithiau ar werth!
• Mae mynediad am ddim, fel bob amser!