Mae You Have Done This Before yn osodiad rhyngweithiol a ffilm ddwy sianel sy’n archwilio cysylltiadau pobl ifanc â natur trwy ddefodau dod i oed.

Wedi’i ddatblygu gan DARCH – artistiaid anabl Cymru Umulkhayr Mohamed a Radha Patel – mae’r gwaith yn tynnu ar linachau diwylliannol Somali, Indiaidd a Chymreig i greu defodau newydd sy’n anrhydeddu personoliaeth lawn plant. Wedi’i ddatblygu trwy weithdai gyda phobl ifanc yn Wrecsam, mae’r prosiect yn gwahodd ymwelwyr i fyfyrio ar ieuenctid, doethineb coll a’r hyn y mae’n ei olygu i etifeddu byd sydd wedi’i siapio gan argyfwng hinsawdd.

Ymunwch â ni ar gyfer y digwyddiad lansio ar y cyd ar gyfer DARCH – You Have Done This Before a’n harddangosfa newydd arall, Effaith – Arddangosfa Deithiol Genedlaethol Celfyddydau Anabledd Cymru (2025–26), ar ddydd Gwener 17 Ebrill o 5.30pm.