Mae’r pianydd a’r cyfansoddwr Simeon Walker, sy’n byw yn Leeds, wedi ennill bri fel un o leisiau mwyaf gafaelgar y DU ym myd cerddoriaeth biano gyfoes; mae ei waith yn cael ei ddarlledu’n rheolaidd ar BBC Radio 3 a Classic FM, ac wedi’i ffrydio dros 50 miliwn o weithiau ledled y byd.

Fel perfformiwr byw toreithiog, mae Walker yn teithio’n helaeth ar draws y DU ac Ewrop, gan rannu llwyfannau ag artistiaid fel Neil Cowley, Submotion Orchestra, Erland Cooper a LYR, ac yn ymddangos yn Latitude Festival, Edinburgh Fringe, Manchester Jazz Festival a SXSW London. Cafodd ei gyfansoddiad ‘Reverie’ ei gynnwys ar y casgliad swyddogol cyntaf ar gyfer Piano Day (2022) ochr yn ochr â Nils Frahm, Ólafur Arnalds a Chilly Gonzales.

Y tu hwnt i’w waith ei hun, mae Simeon yn gyfansoddwr, perfformiwr, trefnydd a cherddor sesiwn medrus, sy’n cydweithio ar draws genres cerddorol a phrosiectau rhyngddisgyblaethol ym meysydd celf, dawns a theatr. Mae’n aelod o Fwrdd Cynghori Cerddoriaeth Fyw Undeb y Cerddorion (Musicians’ Union) a Chyngor Artistiaid y Featured Artists Coalition; yn 2018, sefydlodd Brudenell Piano Sessions – cyfres o ddigwyddiadau cerddoriaeth fyw sy’n dathlu cerddoriaeth wreiddiol sy’n canolbwyntio ar y piano – ac mae’n parhau i guradu’r gyfres hon.

Gan dynnu ar sylfaen glasurol a gwerthfawrogiad dwfn o jazz, cerddoriaeth ‘ambient’ a ffurfiau arbrofol, mae perfformiadau Simeon yn symud rhwng myfyrdod tawel a mawredd eang. Mae’r piano yn dod yn fan cyfarfod, lle mae profiadau cerddorol a rennir yn meithrin deialog, cysylltiad a chymuned trwy berfformiadau agos-atoch ac emosiynol uniongyrchol, sy’n cael eu nodweddu gan gyffyrddiad hynod dyner a chain.

“Awr unigryw a hudolus” – The Fringe Review

“Cyfansoddiadau aruchel, hyderus ac ymdrochol” – SY Gigs

“Presenoldeb llwyfan a meistrolaeth ar yr offeryn syfrdanol” – Modellbahn Music

“I’r rhai nad ydynt fel arfer yn hoffi cerddoriaeth glasurol, mae’r mudiad newydd hwn yn cynnig dull modern sy’n ein hailgysylltu â harddwch y piano, a’r ffordd y gall cyfansoddwyr fel Simeon Walker ei ddefnyddio mewn ffyrdd gwahanol i gyfleu’r hyn sy’n ein gwneud yn fodau dynol” – Louder Than War

Tymor hydref newydd o gyngherddau amser cinio dydd Mercher AM DDIM yn Tŷ Pawb

9/9/26
1pm
Rufus Edwards (Piano)

23/9/26
1pm
Nova Saxophone Quartet

7/10/26
1pm
Simeon Walker
(Piano)

28/10/26
1pm
Dominic Downs
(Piano)

11/11/26
1pm
Cambrian Harps: Katie Hedley
(Telyn / Harp)