Ymunwch â Sioned Williams am noson gyffrous o straeon a cherddoriaeth o’i gyrfa ddisglair, wrth iddi berfformio cerddoriaeth ‘o hynny hyd yn hyn’ sy’n adlewyrchu digwyddiadau allweddol yn ei bywyd, gan ganolbwyntio ar yr angerdd sydd ganddi dros berfformio a chreu. Mae Sioned yn plethu ei stori gyda geiriau ac anecdotau, teimlad dwys a digonedd o hiwmor!

Mae Bywyd yn y Coedyn daith drochiol o 8 munud trwy ganopi’r derw ym Mharc Dinefwr, lle mae cerddoriaeth a chanu adar yn plethu. Gyda sgôr wedi’i pherfformio gan Gerddorfa WNO a sain wedi’i recordio’n gyfan gwbl ar y safle, mae’r profiad ynamgylchynu’r gwyliwr â sain a delwedd. Mae’r portread byw hwn yn destun gwydnwch a harddwch natur yng ngwyneb pryder hinsawdd.

Mae N'famady Kouyaté yn ganwr ac aml-offerynnwr o Guinea, sydd bellach yn byw yng Nghaerdydd. Cewch brofi trefniant newydd o gerddoriaeth N'famady, ei lais anhygoel a'i sgiliau chwarae balafon ochr yn ochr â phedwarawd llinynnol ac offerynnau taro Sinfonia Cymru. Disgwyliwch gymysgedd deinamig o arddulliau rhyngwladol, rhythmau ac alawon unigryw o Orllewin Affrica ochr yn ochr a hud y clasurol a’r gwerin.

Mae'r podlediad gwleidyddiaeth Gymreig poblogaidd yn torri allan o swigen Bae Caerdydd ac yn dod i'r gogledd am sioe fyw arbennig. Gyda dim ond misoedd ar ôl tan yr etholiad nesaf yng Nghymru, mae'r digrifwyr Robin Morgan (BBC Cymru a Mock the Week) a Mel Owen (Chunky Monkey yn yr Edinburgh Fringe) yn dod ynghyd â cholofnydd y Guardian Will Hayward i edrych ar y da, y drwg a'r chwerthinllyd yn llwyr yn y Senedd ac yn San Steffan. Ond nid dim ond ar gyfer nerds gwleidyddiaeth y mae y noson hon.